قین گؤرمه مندن
قین گؤرمه مندن
فرهاد کیبی عاشق بولوپ داغی غازیپ بیلمه دیم
قین گؤرمه مندن
گؤراوغلی دک دوشمانلاری اوقا دوزوپ بیلمه دیم
قین گؤرمه مندن
فراغی دک بییک غوشغی، دیوان یازیپ بیلمه دیم
قین گؤرمه مندن
آرزو اتدیم باشارمادیم سبأبی من، من میشیم
شو واغتا دنگ ادنلریم الیمدن گلن میشین
قین گؤرمه مندن
سن منینگ دریا دنگیزده یوزمه گیمی ایسلأردینگ
آخ من هنیز بیر آرنا دان یوزوپ چیقیپ بیله موق
سن منینگ مردانا بولوپ داغ سؤکمگمی ایسلأردینگ
داغا دورسون منأ هنیز نفسیم ییقیپ بیله موق
سن دوشمانا غیلیچ سالیپ ساواشماغمی ایسلأردینگ
من ایچدأکی ساوشیمدان هنیز چیقیپ بیله موق
سن منی داغ دک گؤریأردینگ واخ من اؤزومی بیلیأن
من بیر عجیز شول اوچین- ام یوزنگه باقیپ بیله موق
اوتانیارین اؤز ایلیمدن اوتانیارین اوندان سندن
آخ من شیله بولوپدیرین غارداشیم قین گؤرمه مندن
یوره گیمده نه بیر گویچ بار نه ده راضی حالینا
هیچ راضی دأل بیله گیتجک قارانگقی اقبالینا
بیر میش میش بار یوره گیمده او میش میش پریاد بولارمی؟
یا- دا یاتار گیدر میقان اونودولیپ یاد بولار می ؟
یا- دا یاتیپ کؤز آستیندا جانیما اود بولار می ؟
اود بیلن سو آراسیندا غاللاچ منم
قین گؤرمه مندن
ایل دردینه درمان تاپمان نالاچ منم
قین گؤرمه مندن
بلکی بیر گون تازه بیر شمال اؤسر
کؤنگلومی سیپالار تازه جان برر
قالبیما گویج آرزولارما حرکت
داماریما تازه آقان قان برر
شول گون منم گونش بیلن دوغارین
بو دونیایه تازه دن سر اده رین
گونش دن ایسینار ساویق ایمانیم
غایراتیمینگ غیراتین یؤره درین
بو گزک سیل بولوپ جوشوپ یؤرأرین
داغلاری چؤللری آشیپ یؤرأرین
غالقان یاسارین من غورساغیم تندن
من شونگا غاراشیان قین گؤرمه مندن
